Banka Qendrore Evropiane duhet të rrisë normat e interesit për shkak të inflacionit të shkaktuar nga lufta e presidentit rus Vladimir Putin në Ukrainë, tha presidentja e BQE-së, Christine Lagarde.
“Kjo është ajo që ai [Putini] po përpiqet të bëjë, të shkaktojë kaos dhe të shkatërrojë sa më shumë Evropë që mundet”, tha Lagarde gjatë një paraqitjeje në emisionin ‘Late Late Show’ të RTE në Irlandë. “Kjo krizë energjetike po shkakton inflacion masiv, të cilin ne duhet ta mposhtim”, tha ajo.
“Kushdo që sillet në atë mënyrë duhet të drejtohet nga forcat e liga”, tha Lagarde për Putinin, duke shtuar se presidenti “i sëmurë” rus është një “person i tmerrshëm”.
Duke diskutuar takimet e saj të mëparshme me liderin rus, Lagarde e përshkroi atë si një “person jashtëzakonisht të informuar” me “sy të ndezur dhe të ngrirë”.
Lagarde tha se rritja e inflacionit në Evropë kishte “ardhur nga askund”.
Banka Qendrore njoftoi të enjten një tjetër rritje të normës së interesit për të luftuar inflacionin, duke i çuar normat e eurozonës në nivelin më të lartë që nga viti 2009.
“Ne e bëjmë atë sepse po luftojmë inflacionin, tha Lagarde, duke treguar gjithashtu një rikthim ekonomik më të shpejtë se sa pritej nga pandemia si një shkak krahas krizës energjetike.
Ndërsa Lagarde është kritikuar nga politikanë të lartë evropianë për vendimet e normës, ajo tha se ato synojnë të mbajnë nën kontroll koston e jetesës. Në shtator, inflacioni në të gjithë zonën e euros arriti në 10 për qind.
Përgatiti: Gazeta Shqiptare
